大疆航拍 APP

标题:(推荐)正宗云吞面——麦奀记

发布时间:2006年7月08日 作者:小炳 点赞数:8 点击数:4329 评论数:0 签名:食得系福
估唔到食正宗嘅广州细蓉(云呑面)系咁难,广州已经好难揾到,喺朋友嘅带领下居然喺香港食番次。

麦奀记,一间知名传统老店,同上次介绍嘅池记有血源关系。虽然同样做得咁出色,但系麦奀记老细嗰种对广式细蓉嘅执着,令人觉得佢先系NO.1嘅。

听讲早期嘅云吞系净得猪肉嘅,后嚟先出现鲜虾云吞。不过麦奀记嘅老细认为:虾同猪肉嘅煮熟时间有差异,等得猪肉熟透,虾就会过火。所以该店早期仲出过净猪肉云吞同净鲜虾云吞。

呢度嘅云吞面份量少得可怜,以至我食三碗都未够喉。其实呢啲先系正宗嘅广式细蓉,因为面系好易淋嘅,如果太大碗,食客仲未食完,下面啲面就已经淋晒。因此麦奀记亦周不时畀人话贵、唔抵食。个人认为,麦奀记嘅云吞面虽然细碗,但系食嘢食味道,佢哋嘅面能够做到条条弹牙爽口,已经系值回票价。如果唔系,又点会日日爆棚呢!

要我喺池记同麦奀记之间选其一,我会选麦奀记!

注意:1、唔好抱太大嘅希望喺呢度会食饱。
2、呢度嘅青菜只有芥兰一种,不过值得一试!
作者:夕阳下搬砖的少年
我家民宿周邊的西安味道~ 😋 作者:山楂卷儿-
作者:食味
简单省时,不用太复杂的食材,自己家里就能做出的好看美食。 作者:达尔
夏日炎炎 确定不去海边逛逛吗? 作者:夕阳下搬砖的少年